KALIBO, Aklan—Arestado ro sangka wanted person pinaagi sa gintingub nga pwersa it Balete PNP, Numancia PNP, Aklan PPO Trackers Team ag Regional Intel Division kahapon sa Sitio Indoy, Brgy. Oquendo, Balete.
Ro akusado hay ginkilaea kay Rommel Gregorio, 28-anyos, residente it nasambitang lugar.
Si Gregorio hay naaresto pinaagi sa gahum it warrant of arrest nga may criminal case number C-07-20 sa kasong Attempted Homicide nga ginpagguwa ni Hon. Presiding Judge Joan Marie Vargas-Betita it 3rd MCTC Malinao-Lezo-Numancia.
Kapin sa 36,000 pesos ro pyansa nga gintaeana it korte para sa temporaryong kahilwayan it akusado.
Si Gregorio hay presenteng nakakulong sa Belete Municipal Police Station ag nakataeana nga igaturn-over sa korteng natungdan sa adlaw it Lunes.
