Iba nga pamaagi ro gusto nga ipatuman ni Pangueong Ferdinand Marcos Jr. kontra sa iligal nga droga.
Suno sa Pangueo, padayon ro war on drugs apang magabag-o ro pagsabat kara, kung siin pagatutukan ro pagturo ukon paathag sa mga pamatan-on sa peligro nga daea it illegal drugs.
Kamana man sigon sa parte it law enforcement nga magabilog eon man it “approach” sa kung paano igaplasatar ro giyera sa droga sa andang ahensya.
Dugang pa it pangueo nga mas ginatan-aw nanda sa mas mataas nga pamaagi ro problema it droga sa samtang may igaplastar man sigon ro gobyerno nga programa para sa rehabilitasyon.
Sa pihak nga parte, ginpasiguro man it Pangueo nga nagahimu eon it tikang ro gobyerno angot sa nasambit nga problema sa droga ag ginapatigayon sigon nanda raya it mahipos eamang, kasunod it pagplastar it mga bag-ong pamaagi para raya hay pagasukean.
