KALIBO, Aklan—Uwa eon nagta-o it kumpyansa ro Golden State Warriors kontra sa Boston Celtics rason nga uman sandang ginkilaeang world champions kat gintapos kara ro best-of-seven series it NBA Finals sa 4-2 record.
Suno kay Mr. Basil Tabernilla, sangka sports analyst nga uwa eon gintaw-an it kahigayunan it warriors nga mabuhi it uman ro tyansa it celtics rason nga ginhimo nanda ro tanan agud nga maipadaog ro serye.
Inde sigon matawaran ro eksperyensya it warriors players kon siin raya eon ro pang ap-at nanda nga kampeonato sa sueod it waeong dag-on.
Sa ginpatigayon nga hampang, umabanse ro Warriors sa first ag second quarters.
Pag-abot it 3rd quarter, ginhana nga bumawi it Boston ag ginpilit nga dumukot sa score hasta sa unang parte it 4th quarter.
Apang, uwa eon raya ginpabay-an it Warriors sa pagpanguna ni NBA superstar Stephen Curry nga ma-extend pa ro serye kat maglista it 32 points.
Naging makasaysayan man ro ginhimo it Warriors kat maangkon ro daog sa Game 6 idto mismo sa homecourt it Boston sa score nga 103-90 sa atubang it masobra sa 19,000 fans.
