KALIBO, Aklan—Kasunod it pagselebrar it Women’s Month, nagpatigayon it barangay visitation ag information dissemination ro opisina it Women’s and Children Protection Desk ukon WCPD it Numancia Municipal Police Sation.
Suno kay PCMS Lerlyn Roberto, head it WCPD, Numancia MPS nga tuyo it nasambitan nga aktibidad nga maeaparan pa ro nasayuran it publiko angot sa kinamatarong ag mga layi nga nagaprotekta mga kababayin-an.
Raya hay ginhimo sigon nanda pamaagi sa pagtao it lecture sa mga pomoeuyo ag opisyal it barangay.
Samtang, ginapahayag dugang ni PCMS Roberto nga ro masami nga ginareklamo sa andang taeatapan hay ro pag-eabag sa RA 9262 ukon pagpang-abuso sa mga kababayin-an.
Sa makarun hay maeaka eun lang sigon ro mga nababatun nga reklamo it andang opsina bangud haeos kaabuan eun man sa mga pomoeuyo hay nakasayod eun sa layi.
