KALIBO, AKLAN — Naga abot sa 1,000 delegado ro gina eauman nga magatambong sa 23rd Meeting it Association of Southeast Asian Nation (ASEAN) sa isla it Boracay.
Sa Pebrero 13 hasta 15 hay nakataeana ro ASEAN Intergovernmental Commission on Human Rights samtang, sa Pebrero 19 hasta 21 ro Ministerial Meeting Retreat ag Committee on Migrant Workers Meeting sa Pebrero 21 hasta 22.
Suno kay Department of Tourism (DoT)-Boracay officer in charge Kristoffer Leo Velete nga sangka welcome dinner ag cultural presentation ro maga sugaeaw sa mga delegado, ministers ag senior officials maghalin sa 10-member countries.
Makaangkon sigon it rondalla music ag tunog it tamboe it Ati-Atihan pag abot nanda sa Kalibo International Airport ag Caticlan airport.
Gin pasiguro ni Velete nga maga enjoy ro mga bisita sa nasambitang attractions it Boracay.
Samtang, syento porsyento eon nga preparado ro seguridad sa isla kun siin haeos 1,300 nga mga pulis ro nakakalat sa magkaeain-eain nga mga lugar kaeakip eon ro mga suldado ag force multipliers.
