KALIBO, Aklan—Nag-abot eon sa 1, 547 ro kumpirmadong kaso it Coronavirus Disease ukon COVID-19 sa bilog nga Western Visayas.
Raya hay matapos nga makalista kahapon Agosto 3, it kapin sa 129 nga mga panibag-ong kaso kon sa siin, 54 kara ro naghalin sa Negros Occidental; 36 sa probinsya it Ilo-ilo; 16 sa syudad it Bacolod kamana man 13 sa Iloilo city ag pito sa probinsya it Capiz.
May kaangtanan kara, nag-abot man sa 738 ro numero it mga nakarecover matapos raya nga madugangan it 32 ka mga bag-ong recoveries samtang nag-abot eon 21 ro death toll matapos raya nga madugangan it sambilog.
Ro bag-ong nailistang namatay hay si Patient No. 328 sangka 38-anyos nga eaeaki nga taga Bago City, Negros Occidental ag sangka Locally Stranded Individual ukon LSI.
