ginkibot it Japanese YouTuber nga si Hajime ro milyun-milyon nana nga subscribers matapos pinturahan ro anang bilog nga eawas it “Musuo Black”, ginakabig nga “World’s Blackest Paint”.
Technically, bukon it ro Musuo Black ro pinakamaitom nga pintura sa bilog nga kalibutan kundi ro Vantablack.
Ro Vantablack hay may ikasarang nga makapag-absorb it 99.965% it visible light samtang ro Musuo Black hay may ikasarang eamang nga mag-absorb it 99.4% it visible light.
Apang sa makaron hay indi eon mabakae sa merkado ro Vantablack ag ro Musuo Black eamang ro commercially available.
Si Hajime, sangka sikat YouTuber halin sa Tokyo, Japan ag kilaea imaw sa mga unique ag kakaiba nana nga mga ideya.
Sa mga nagtaliwan kara nga vlog, ginpinturahan nana ro anang kuwarto it Black Musuo agud nga maka-obra it “World’s Blackest Room”.
Ro masunod nana nga video hay ginpinturahan nana ro anang bilog nga eawas it kaparehas nga pintura agud nga testingan kon makita baea imaw it mga viewers samtang una sa anang kuwarto.
Nakalista it maabu nga views ro YouTube video ni Hajime apang ro mga litrato nana sa Twitter ro mas gin-istoryahan ag mas nakabo-oe it atensiyon it netizens sa bilog nga kialibutan.
Makita sa mga litrato nga naka-pose si Hajime sa idaeum it grabeng init it adlaw apang nag-medyu anino eamang imaw bangud sa pintura nana sa eawas.
Matapos maging viral it mga litrato, nagpaguwa it anunsiyo ro Koyo Orient Paint, ro manufacturer it Black Musuo nga owa nanda gina engganyo ro mga bumaeakae nga gamiton raya bilang body paint.
