KALIBO, Aklan—Nagapadayon ro vaccination program sa mga tourism workers sa isla it Boracay.
Raya hay matapos nga nag-abot eon ko Lunes ro dugang nga 10,000 doses it Sinovac vaccine nga CoronaVac.
Suno sa Department of Tourism (DOT), mas maabu nga tourism workers idtu ro maturukan bilang pagpahaum sa nagahilapit nga holiday season.
ko Lunes hay gin-umpisahan man eagi it DOT ag lokal nga gobyerno ro pagbakuna sa mga tourism workers.
Suno sa DOT, sa 10,000 doses, 3,000 hay nakataeana para sa second dose samtang ro nabilin nga 7,000 hay para man sa first ag second doses it 3,500 tourism workers.
Tuyo kara nga mabakunahan ro tanan nga 11,620 tourism workers sa Boracay.
Base sa datos it Malay Tourism Office, kabilugan nga 30,791 eon ro tourists arrival sa Boracay umpisa Hulyo 1 hasta 25, 2021.
Sa nasambit nga numero, 65.08 percent kara ukon 19,305 ro halin sa National Capital Region.
Madumduman nga ko hulyo 3, 2021, nabaton it isla ro andang 3,000 nga unang dose it CoronaVac ukon Sinovac vaccines, apang bukon it bastante agud nga makasakop sa 40,000 nga target nga tourism workers ag mga residente.
Madumduman nga nakataeanang igalunsar it DOT ro bag-ong tourism products para sa Boracay nga ginaeauman nga makahakot it maabu pa nga mga turista.
Raya hay ginaeakipan it Boracay Biking Tour, Boracay Food Crawl, ag Boracay Wellness Workation Program.
