KALIBO, Aklan—Kapin sa 12 ka mga units it brand new 2022 Model DMax Flexicube nga Bombo Radyo Patrols ro panibag-ong nadugang eon man agud nga mabayluhan ro naluma nga saeakyan it Bombo Radyo Stations nationwide.
Kada ikatlong dag-on hay ginatuyo it network nga makabakae it bag-ong news patrol bilang commitment it Bombo Radyo Philippines sa pagpasanyog sa news gathering ag public service sa tagpaeamati sa nagkaeain-eain nga parte it nasyon.
Ro Bombo Radyo Philippines hay may 23 ka Bombo Radyo patrols bilang pangsuporta para masiguro ro pagpanguna sa pag-usoy it mga balita “FIRST, FAST AND RIGHT” sa tunga eon man it pagkalhit it mga fake news ukon mga misinformation.
Ro pagtinguha it mga Bombo Radyo ag Star FM Station hay haead sa mga tagpaeamati kara nga uwa nagakataka sa pagsuporta sa mga programa ag nagatangkilik sa promo campaigns.
