KALIBO, Aklan—Negatibo ro resulta it ginpatigayon nga real-time reverse transcription polymerase chain reaction (RT -PCR) test it 15 ka mga indibidwal nga may close contact sa mga pasyenteng nagpositibo sa coronavirus disease ukon COVID-19 sa probinsya it Aklan.
Suno kay Dr. Cornelio Cuachon Jr. it Provincial Health Office (PHO) Aklan nga 10 sa mga raya hay ro ginakabig nga high risk contacts it Ofw nga Covid-19 positive maghalin sa banwa it Lezo.
Samtang ro 5 hay ro mga nakasalamuha it pasyenteng maghalin sa banwa it Kalibo.
Sa makarun hay 25 pang mga pending cases ro ginahueat kung sa siin ro mga raya hay Repatriated ofw ag Locally stranded individual ukon (LSI).
Ginabana-bana nga masobra 54 nga swab sample ro nakataeanang pagadaehon sa syudad it Ilo-ilo.
Raya ro mga na-close contacts it sangka bombero maghalin sa syudad it ilo-ilo nga nagpositibo sa covid-19.
Samtang sa pihak nga parte, ginpahayag man ni Dr. Cuachon nga nakauli eun ro covid-19 patient maghalin sa banwa it Makato matapos nga mag-negatibo sa ikaywang test it COVID -19.
