KALIBO, Aklan — Nasapwan nga nagaka-agnas eon nga bangkay ro sangka 16-anyos nga dalagita nga napabalita nga naduea umpisa pa ko Mayo 16 sa maligwin nga lugar sa Brgy. Agbanawan, Banga, Aklan.
Nakilaea ro biktima nga si Jella Ricaforte, Grade 10 student ag residente it nasambit nga lugar.
Sangka eaeaki nga naga-gihit it baka ro nakakita sa bangkay kat paeapitan ro gina-eangaw ag nagapanimaho nga bagay sa mahalimunon nga parte it lugar.
Kat rumesponde ro mga pulis hay nakita nanda nga bangkay gali it sangka babaye ro sa idtu sa lugar.
Ginapatihan nga pinatay ro dalagita ag gin-aywan eamang sa lugar eabi pa ag may nakita nga nina sa anang ueo.
Kasunod it pagkadiskubre it bangkay, nagsurender ro igkampod it biktima sa pulisya nga si June dela Cruz, alyas Dugong, 26, ag residente man it nasambit nga lugar.
Gin-aku it self-confessed suspect nga imaw ro pumatay sa daeaga.
Ginsaysay pa kara nga nakaangkon sanda it sexual intercourse it biktima, apang pagkatapos nga may natabu kanda hay nagpamaeag sigon si Jella nga isugid nana ro suspek sa anang ama nga eubus kara nga ginkaakig hasta nga mapatay nana raya sa ueok.
Apang sa makaron hay ginahueat pa ro resulta it autopsy examination agud nga makumpirma kon natabing gid man ro biktima.
