KALIBO, Aklan—Nag-face off sanday incumbent Vice Governor Reynaldo “Boy” Quimpo ag dating Makato Mayor Ramon “Jun” Legaspi, Jr. sa unang sigwada it Debate sa Bombo 2019.
Naging mainit ro debate it daywang kandidato sa pagka-bise gobernador kon siin kaeakip sa mga isyung gintalakay hay kaangot sa environmental problem sa isla it Boracay, tax, mga tikang agud mapaayos ro health sector ag serbisyo sa Aklan Provincial Hospital, dredging operation sa Aklan River, isyu it pagbaha, teen-age pregnancy ag iba pa.
Ginbanatan ni Legaspi si Vice Governor Quimpo bangud sigon sa mataas nga real property taxes nga insigida man nga ginsabat it opisyal nga importante raya sa probinsya agud nga maging competitive.
Sa sangka parte man it debate, gin-insister ni Quimpo sa kaengkwentrong si Legaspi nga bukon it porke kaalyado nanda si Governor Florencio Miraflores hay nagiging sunud-sunuran eon sanda kara.
Samtang, gintaw-an it punto ni Quimpo nga uwa sanda nagpabaya sa ginareklamong mga staff it Dr. Rafael S. Tumbucon Memorial Hospital ag kawad-an it pasilidad.
Sa kamatuoran, ginkilaea sigon nga kampeon sa bilog nga Western Visayas ro social governance it provincial government ukon pagta-o it serbisyo sa mga pumueoyo kapin eon sa mga kubos ag nagtaeana it mabahoe nga pondo nga nagaabot sa masobra P840 milyon para sa health program.
