Kalibo, Aklan-Nagahimo eon it nagakaigo nga tikang ro Department of Education (DepEd)-Aklan sa bagsik it dengue matapos mapabalita nga may 211 eon nga estudyante ag 24 nga manugturo ag non teaching personnel nanda ro tinamaan it nasambit nga sakit umpisa agosto 24 hasta 31 it makaron nga dag-on .
Sa datos it DepEd-Aklan pinaagi kay division information officer designate mar bien Gregory parel, 211 nga learners umpisa kinder hasta grade 12 ro nakaangkon it sakit halin sa nagkaeain-eain nga mga pribado ag pampublikong eskwelahan sa probinsiya.
Mag-eowas kara, 21 man nga manugturo ag tatlo nga non-teaching personnel ro nagka-dengue. Haeos tanan sa mga biktima hay gindaea sa ospital kun sa siin pila sa mga raya hay naka-recover eon samtang ro iba hay naka-admit, ginabueong ag may una pa nga ro status hay under observation .
Angot kara, padayun nga naga apela ro DepEd it kooperasyon sa tanan nga mga principal, manugturo, estudyante, mga ginikanan ag mga pinuno it lokal nga gobyerno sa pagsukoe sa sakit. nasayuran nga pila sa mga pamunuan it eskwelahan hay naghinyu sa natungdan nga LGUs rason nga nakapatigayon it fogging operation.
