-- ADVERTISEMENT --
KALIBO, AKLAN – – – Patay ro sangka ungang babaye samtang naninahan ro daywang ingkampod kara matapos mabagsakan it narumpag nga pader sa Brgy. Cawayan, New Washington, Aklan.
Basag ro ueo it biktimang si Rhea Mae Francisco, 7 dag-un matapos mabagsakan it konkretong pader it sangka abandonadong baeay samtang kritikal man nga gindaea sa Aklan Provincial Hospital ro mga ingkampod kara nga sanday Ryza Franciso, 6-anyos ag manghod nga si Rizy, 4-anyos ag parehong residente it nasambitang lugar.
Ginasugid nga naghalin sa eskwelahan ro biktima ag nakipaghampang sa anang mga ingkampod bandang alas-5:00 it hapon maeapit sa nasambitang pader ag bangud may kalumaan eon ag nasamad pa it bagyo ro pundasyon kara butang nga bumigay.
