KALIBO, Aklan — Pareho nga ninahan ro daywa ka riders kaibahan ro sangka pulis ag angkas kara nga babaye matapos nga mag bunggu-anay ro andang ginamanehong motorsiklo sa boundary it Barangay Linabuan Norte, Kalibo ag Linabuan Sur, Banga, Aklan.
Gin kilaea ro mga naninahan nga sanday PO3 Darell Sagun, 38, kamana man ro backrider kara nga si Lady Lyn Corpuz, 21, parehong residente it Barangay Agbanawan, Banga, ag Ritchel Juanico, 37, it Barangay Dingle, Banga.
Base sa report, pauli eon ro pulis kaibahan ro angkas kara kat bungguan it nagasunod nga motorsiklo nga ginamaneho ni Juanico nga gina-alegar sa impluwensiya it aeak.
Insigida nga gindaea sa Aklan Provincial Hospital ro mga biktima bangod sa mga gin-angkon nga bali ag nina sa nagakasari-sari nga bahin it kaeawasan.
