BUSINESS News — Ginpahayag it Department of Labor and Employment nga pwedeng mag-implementa it four-day workweek ro employers maskin nga owa it bag-ong laye ukon department order para kara.
Ginpahayag raya it DOLE matapos isuhestiyon ni Socioeconomic Planning Secretary Karl Kendrick Chua ro pagpatuman it four-day work week agud nga makatipid sa enerhiya ag mapahagan-hagan ro gastos it publiko sa tunga it mabahoe nga oil price hikes.
Ginpahayag ni DOLE Undersecretary Benjo Benavidez nga nagdihon eon sanda dati it labor advisory kun sa siin ginahambae nga pwedeng mag-implementa it flexible work arrangements ro employers.
Umpisa ko 2020, hay maabu eon nga kompanya sa Pilipinas ro naga-implementa it flexible work arrangements kun sa siin kaibahan sa nasambit nga measures hay ro pagpasugot sa work-form-home, pagbawas sa normal workdays, ag job rotation.
Ginpamilit ni Benavidez nga may una nga “management prerogative” ro employers sa pag-regulate it andang operasyon.
