KALIBO, Aklan — Nasita it pulisya ro an-um ka mga lady boys matapos nga nataeopangdan ro mga raya nga nagatanyag it hingalit nga kalipay sa pila ka mga dumueoong turista sa front beach it Station 2, Brgy. Balabag, Boracay.
Ginkilaea it Malay Police Station ro mga nasitang bading sa mga alyas nga Nicole, 24; Benju, 25; Sofia, 24; Arian, 31; Daniela, 29; ag Marsha, 20.
Base sa report, nataeopangdan it naga-roving nga pulisya ro mga nasambitang lady boys nga ro iba kanda hay nasayuran nga mga transgender woman nga nagatanyag it hingalit nga kalipay partikular sa mga dumueuong bakasyunista kabaylo it kwarta.
Ro nasambit nga mga indibidwal hay gindaea sa presinto ag ginpadumdom sa mga raya nga hugot nga ginadumilian sa isla ro andang ginahimo.
Matapos nga ipaidaeum sa profiling hay ginpahilway ro mga raya it pulisya.
