7-anyos nga babaying estudyante patay sa pagpangbuno sa sueod it eskwelahan

Patay ro pitong dag-on nga ungang babayi samtang waeong iba pa ro naninahan matapos sanda nga bun-on sa sangka elementary school sa Zagreb, Croatia.

Base sa imbestigasyon it mga otoridad, nga ginsueod it sangka 19-anyos nga suspek ro first-grade classroom it Precko Elementary School.

Unang gin-atake kara ru mga manugturo ag pilang mga estudyante gamit ro kustilyo.

Pila sa mga biktimang mga manugturo hay kritikal ro sitwasyon ngani padayon ro pagpamayad nanda sa pabuengan.

Buyot eun it kapulisan ro suspek matapos nga maaresto raya.

Eubos nga ginkakibot ni Croatian Prime Minister Andrej Plenkovic ro insidente kun siin ginsiguro nana ro bulig sa mga biktima.