Ginkumpirma it New NAIA Infra Corp. (NNIC), ro nagadumaea sa paeoparan, nga una eon sa “stable condition” ro pitong indibidwal nga naninahan sa pagbagsak it kisame sa Ninoy Aquino International Airport (NAIA) Terminal 1 makaron nga Biyernes Santo, Abril 3.
Ginpahayag it pamunuan nga insigidang ginrespondehan it medical team it NNIC, airport security personnel ag Philippine National Police (PNP) Aviation Security Group ro mga naapektuhang indibidwal.
Insigidang ginkordonan ro West Arrival Curb C area sa guwa it passenger terminal building it NAIA Terminal 1 maeapit sa food concession outlet.
Gin-inspeksiyon eon man it engineering team it NNIC ro palibot ag ginkumpirmang eowas raya para sa normal nga operasyon.
Sa makaron, padayon ro paghueag it imbestigasyon para matumod ro rason it insidente ag maid-id nga nakikipag-angot ro pamunuan sa mga awtoridad ag ginpasiguro nga magahimo it nagakaigong aksiyon base sa findings.
