Taylor Swift nagbayad it haeos P10-M nga permit sa New York para sa anang kasae

Nagbayad it $160,000 ukon katumbas it haeos P10 milyon si Taylor Swift sa New York City para makabuoe it permit sa kasae nanda ni NFL star Travis Kelce sa Madison Square Garden.

Ginkumpirma raya ni New York City Mayor Zohran Mamdani, kun siin ginbayaran ni Swift ro tanan nga mga kinahangean para sa daywang adlaw nga hitabo.

Kaibahan eon man ro kabayaran sa pag-tao it mga seguridad bangud raya hay gintambungan it pilang mga celebrities.

Uwa man ginsambit it alkalde kun pila ro tanan mga nagastos it billionaire pop singer sa nasambit nga kasae.

Apang gumuwaa sa report nga may unang masobra $20-M ro bilog nga nagastos sa kasae.

Antes magpakasae ro daywa hay nag-donate sanda it $26-M sa pilang charities.