KALIBO, Aklan — Pangkabilugan nga naging malinong ag matawhay ro waeong adlaw nga filing it certificates of candidacy sa bilog nga Western Visayas para sa May 2025 elections.
Suno kay P/Lt. Col. Arnel Solis, tagapaghambae it Police Regional Office 6 nga owa it anuman nga maduguon nga insidente ag kinagamo nga nagtuhaw may kaangtanan sa COC filing.
Naabot sigon nanda ro andang objective bangud sa hugut nga koordinasyon ag pakikipagbueuligan it kapulisan ag Commission on Elections (COMELEC) kamana man ro pagsunod it tanan nga mga kandidato kaibahan ro andang mga tagasuporta rules and regulations it komisyon.
Dugang pa ni Solis nga sa tiempo it filing it COC, kapin sa 3,200 nga mga pulis ro gin deploy sa bilog nga rehiyon.
Ginpasaeamatan man it PRO-6 ro tanan nga kapulisan bangud sa andang dedikasyon ko tiempo it andang deployment .
Samtang, owa pa it namonitor nga mga lugar sa Region 6 nga ginapanan-aw nga maging mainit ro pulitika.
May mga gintaeana sigon nga parameters agud nga matumod ro sangka lugar nga areas of concern .
