KALIBO, Aklan — Mabahoe nga bulig sigon sa magkaeain-eain nga proyekto sa probinsiya it Aklan ro bag-ong tax ordinance maghalin sa mga real properties nga gina tantiyang makakolekta it kapin sa P41-million.
Gin pahayag ni provincial treasurer Suzette Pioquid, nga ku nagtaliwan nga dag-un hay nakatipon ro provincial government it haeos P28-million sa gina patuman nga tax ordinance.
Gina eauman nga madoble raya matapos nga maaprubahan ro tax ordinance no. 2017-001 ku nagtaliwan nga dominggo.
Bastante sigon raya agud masabat ro gaeastuson it probinsiya eabi eon sa Special Education Fund (SEF).
Nakabaehag sa gin aprubahang kasuguan nga ro 35% nga kita sa buwis hay maga agto sa provincial government, 40% sa mga local government units ag 25% sa barangay.
