KALIBO, Aklan —- Patay eon kat makaabot sa Aklan Provincial Hospital ro 20-anyos nga babaye matapos maaksidente sa motorsiklo sa Barangay Carugdog, Lezo, Aklan.
Ginkilaea ro biktimang si Niña Angel Lyn Villanueva, residente it Barangay Poblacion, Lezo.
Suno kay PO2 Melanie Merecidio it Lezo Police Station, nagamaneho it motorsiklo ro biktima halin sa Poblacion, Lezo paadto it sangka birthday party sa Barangay Agcawilan kat gulpi eamang raya nga natumba sa karsada.
Insigidang gindaea sa ospital ro biktima, apang gindeklara raya nga dead on arrival ni Dr. Jake Alojepan matapos sigon makaangkon it fatal nga lasto sa ueo tuga nasambitang aksidente.
Ginpahayag dugang ni PO2 Merecidio nga nakataeana kuntang igakasae ro biktima apang uwa eon raya nakaabot pa bangud sa natabong aksidente.
