Naninahan ro sangka 33-anyos nga eaeaki matapos nga gina-alegar nga barilon it anang amigo bangud sa mainit nga diskusyon sa andang kinita halin sa online game sa Cebu City, adlaw it Domingo, Hulyo 19, 2026.
Ginkilaea it mga awtoridad ro biktima bilang alyas “Cris” ag ro suspek bilang si alyas “Roma,” 28-anyos ag pareho sanda nga residente it Barangay Inayawan.
Nagaguwa sa imbestigasyon nga pauman-uman sigon nga nagpangayo ro biktima it parte sa kinita it suspek sa online game.
Nasayuran nga antes nga natabu ro insidente hay nagdaog ro suspek it P500 ag gina-alegar nga nagpangayo ro biktima it balato nga P50.
Nagpamalibad ro suspek, rason nga nakaangkon sanda it komprontasyon ag nagbaeaywan.
Bangud sa kaakig, nagbo-oe it baril ro suspek ag binaril sa butkon ro biktima.
Naaresto ro suspek ag nagapangatubang sa kasong frustrated homicide.
