KALIBO, Aklan— Nagaabot sa 34 nga tribu ag grupo ro magapakitang gilas sa Sadsad Ati-Atihan contest sa Enero 19 sa mga nagapangunang karsadahon sa banwa it Kalibo.// suno kay Albert Meñez, chairman it Kalibo Sto. Niño Ati-Atihan Foundation, Inc. (KASAFI), ro street dancing competition hay sambilog sa mga cultural highlights it Kalibo Sto. Niño Ati-Atihan festival.
Kapin sa P1.758 million ro nakataeanang premyo para sa mga magadaog nga tribu, grupo ag indibidwal sa Sabado, sa bisperas it kapyestahan ni Sr. Sto. Niño de Kalibo.
Kampante man ro event organizer nga mas pagataw-an it importansya it mga deboto ro festival apisar pa nga kadungan raya sa nakataeanang hampang it Pambansang Kamao nga si Sen. Manny Pacquiao kay Adrien Broner sa MGM Grand sa Las Vegas, Nevada para sa WBA regular welterweight championship.
Nasayuran nga kada may hampang si Pacquiao hay matsa nagapundo ro tiyog it kalibutan.
