KALIBO, Aklan — Agud nga maengganyo ro mga pumueuyu nga mag-recycle, ginlunsar it barangay council it Caticlan sa Malay, Aklan ro proyektong “Basura Mo, Palitan ko ng Bigas”.
Ginpaathag ni Barangay Captain Ralf Tolosa, gin-umpisahan nanda ro proyekto makaron nga buean it Hulyo agud nga masolusyunan ro problema sa plastik.
Pwede sigon nga magtau ro mga residente it sang kilong plastik kabaylo it sang kilo it bugas sa Caticlan Multi-purpose Hall umpisa Lunes hasta Sabado, alas-8:00 it agahon hasta alas-5:00 it hapon.
Mag-eowas sa mga gingunting nga plastics, mga malimpyo nga debotelyang plastik ro andang ginabaton para sa recycle, kun sa siin, limitado eamang sa limang kilo it bugas sa sang buean ro pwedeng itau sa sangka indibidwal.
Ro tone-toneladang basura halin sa nasambit nga banwa eabi eon sa isla it Boracay hay ginapilak makaron sa Kabulihan sanitary landfill sa mainland Malay.
Ro Barangay Caticlan hay gina-agyan paagto sa Boracay.
