KALIBO, Aklan — Balik kulungan ro sangka drug surrenderee matapos nga maaresto sa ginpatigayon nga drug buy bust operation it mga pulis sa Brgy. Poblacion, Malay.
Nakilaea ro suspek nga si Mar Prado, 49, sangka mangingisda, residente it nasambit nga lugar ag dati eon nga nagsurender sa Oplan Tokhang it mga otoridad.
Nasayuran nga uman raya nga nagbalik sa pagduso it iligal nga droga rason nga ginpaidaeum sa surveillance it mga katapo it Malay Police Station.
Nabak-ean raya it sangka sachet it ginadudahan nga ginpamaea nga dahon it marijuana sa selebrasyon it anang kaadlawan gamit ro P800 nga marked money.
Narekober pa halin kay Prado ro sambilog pang sachet it marijuana sa pagkapkap kana.
Magapangatubang ro suspek sa kasong pag-eabag sa Republic Act 9165 ukon Comprehensive Dangerous Drugs Act of 2002.
