Wanted sa kasong attempted homicide, arestado

KALIBO, Aklan — Arestado ro sangka eaeaki nga may kasong attempted homicide matapos ro ginpatigayon nga operasyon it Malay Police Station.

Nakilaea ro suspek nga si Bob Apolinario,  30,  residente it Brgy. Callan, Sebaste, Antique nga may warrant of arrest sa kasong attempted homicide nga ginpaguwa ni Acting Judge Maribel de Guia-Cipriano, 6^th Judicial Region, 5^th MCTC Buruanga-Malay.

Ginkasa ro operasyon matapos nga makabaton it impormasyon ro mga otoridad angot sa ginakahimtangan ni Apolinario.

Kapin sa P12,000 ro gintaeana nga piyansa it korte para sa anang temporaryong kahilwayan.

Matapos ro physical ag medical examination hay gindaea sa presinto ro suspek.