KALIBO, Aklan — Arestado ro sangka eaeaki nga may kasong robbery matapos ro ginpatigayon nga operasyon it Makato Police Station sa andang baeay sa Brgy. Dumga, Makato.
Nakilaea ro suspek nga si Serafin Atillano, Jr., 25, ag residente it nasambit nga lugar nga may warrant of arrest nga ginpaguwa ni Judge Jimena Abellar-Arbis it RTC-6 Branch 6, Kalibo, Aklan nga may petsang Setyembre 23, 2019.
Ginkasa ro operasyon it mga otoridad kontra kay Atillano matapos nga makabaton it impormasyon sa ginakahimtangan kara.
Kapin sa P18,000 ro piyansa nga gintaeana it korte para sa anang temporaryong kahilwayan.
Maayos man nga nagsunod ro suspek sa mga otoridad nga matapos nga maaresto hay insigidang gindaea sa natungdan nga korte para sa nagakaigo nga disposisyon.
