KALIBO, Aklan—Balik kulungan ro sangka 23-anyos nga eaeaki matapos nga maaresto sa ginpatigayon nga drug buy-bust operation it gintingub nga pwersa it Malay PNP Drug Enforcement Unit ag Philippine Drug Enforcement Agency (PDEA)-Aklan sa Sitio Angol, Barangay Manocmanoc sa isla it Boracay, Lunes it aga-aga.
Nakilaea ro suspek nga si Kim Cahilo ag residente it nasambit nga lugar.
Nabo-oe halin sa suspek ro daywang sachet it suspected shabu kabaylo it P1,100 nga buy-bust money.
Samtang, sa pag-body search kay Cahilo, dugang nga narekober ro ap-at nga sachet it ginadudahan nga shabu.
Si Cahilo hay dati eon nga nakulong sa pagduso it illegal nga droga apang nakahilway bangud sa Community Based Rehabilitation Program (CBRP) sa idaeum it Plea-Bargaining.
Ro nasambit nga drug suspek hay nagapangatubang sa kasong pageabag sa Republic Act 9165 ukon Comprehensive Dangerous Drugs Act of 2002.
