KALIBO, Aklan — Sangka motorista ro nasampolan it breath analyzer machine sa ginpatigayon nga operasyon it Highway Patrol Group ag Land Transportation Office ukon LTO sa Brgy. Estancia, Kalibo.
Ginbaeabagan sa checkpoint it mga operatiba ro sangka Freddie San Miguel matapos nga mataeupangdan nga una raya sa impluwensiya it makahieilong nga ilimnon samtang sakay it anang motorsiklo.
Bangud kara, ginpangunahan it head it LTO-aklan nga si Engr. Marlon Velez ro pag-test gamit ro machine, kun sa siin, nagpositibo raya nga hilong pinaagi sa nagguwa nga resulta nga 1.83% kumpara sa ginapasugtan nga 0.5% eamang.
Bangud kara, posibleng magapangatubang sa kasong pag-eabag sa RA 10586 ro motorista angot sa anti-drug and drunk driving act .
Magadepende sigon sa korte ro pagpapanaog it penalidad nga ginaeakipan it monetary fine ag pagka-presu.
Suno kay Engr. Velez nga raya ro kauna-unahan nga may nasampolan nga motorista sa Aklan gamit ro nasambit nga machine .
