KALIBO, Aklan—Nakalista it daywang panibag-ong kaso it Coronavirus Disease 2019 (COVID-19) kahapon, Agosto 10 ro banwa it Malinao.
Suno kay Malinao LCC Nurse Jess Ralph Yerro, sangka 62-anyos nga babaye ro nauna eon nga ginkumpirma nga nag positibo sa makataeapon nga sakit imaw hay sangka Locally Stranded Individual (LSI) nga may travel history sa Manila ag nag-abot sa probinsya it Aklan ko nagtaliwan nga Hulyo 22.
Ginpahayag nga sa ika-13 diyas it anang home quarantine, nagpakita ro 62-anyos nga pasyente it sintomas partikular ro eagnat, ubo ag ginahapo rason nga gin admit sa COVID ward it Aklan Provincial Hospital ko Agosto 9.
Kaangot kara, sambilog pang 24-anyos nga Malinaonon nga call center agent sa syudad it Iloilo ro nagpositibo man sa COVID-19.//Apang owa raya naka uli sa Aklan umpisa nga ginpatuman ro lockdown ko Marso.
