Kalibo Aklan ———Ginrekomenda it Provincial Health Office (PHO-Aklan) sa Revenue District Officer it Bureau of Internal Revenue (BIR-Aklan) nga ipaidaeum sa daywang domingo nga home quarantine ro andang tatlong empleyado nga nag positibo sa rapid test.
Suno kay Dr. Cornelio Cuatchon Jr it PHO-Aklan nga ginatugyan eon nanda sa Rural Health Office ro pag-monitor sa tatlo kamana man nga ginlaygayan ro taeatapan nga magpatigayon it disinfection maskin nga adlaw adlaw man nanda raya nga gina obra agud nga masiguro ro proteksyon it mga magasueod nga mga empleyado ag kliyente .
Ginklaru man nana nga ro rapid antibody test hay bukon it conclusive bilang screening test sa COVID-19.
Gindugang pa ni Cuatchon nga ro BIR mismo ro nag-request ag nagbakae it kagamitan para sa rapid test matapos nga gin-required sanda it andang National Office.
Sa kabilugan nga 60 nga empleyado , tatlo ro nagpositibo .
Ro tatlo sigon hay owa it history of travel sa nagtaliwan nga daywang domingo kamana man nga exposure sa COVID positive.
Puro asymptomatic man sigon ro mga raya.
