KALIBO, Aklan—Kapin sa 200 porsyento nga mas mataas ro naging koleksyon it Bureau of Internal Revenue (BIR)-Aklan makarun nga buean it Oktobre.
Suno kay Nelia Demalata, revenue officer it BIR-Aklan, makabig sigon raya nga manami nga balita sa pihak it ginapangatubang nga public health ag economic crisis.
Haeos 40 porsyento sigon it total tax collection it probinsya hay halin sa isla it Boracay.
Kaangot kara, aminado man si Demalata nga naghinay ro koleksyon sa isla sa pihak it uman nga pagbukas kara sa mas maabo nga turista bangud nagapabilin nga manaba ro numero it mga naga bisita.
Ginpahayag dugang nga ko buean it Setyembre hay nag-exceed it 40.90% ro collection it ahensya.
Mabahoe sigon ro naibulig it sale it real property sa pagtaas it andang koleksyon.
