Health News ———Nakaangkon it pagbag-o sa andang pagkatueog ro pilang Pilipino halin kat makaangkon it pandemya tuga it coronavirus disease (COVID-19).
Suno sa iba hay nalisdan sandang makatueog samtang ro iba hay ginaduyog apang nagapabilin nga muk-eat ro mata maskin agahon eon.
Posibleng insomnia nga tuga it COVID-19 pandemic ro naeeksperyensyahan it iba suno sa sleep disorder specialist nga si Dr. Roland dela Eva.
Tuga sigon raya it stress ag iba pang emosyong bunga it mga pagbag-o halin kat magka-pandemya.
Pila sa mga epekto it insomnia ro pagiging sumpungon ag iritable, ag nalisdan sa pag-focus sa mga hilimuon.
Pwede man nga magtuga ro insomnia it altapresyon, diyabetes, depresyon, ag stroke.
Para malikawan ro insomnia, ginlaygay ni Dela Eva ro pagtaeana it regular nga oras it pagtueog ag pagbugtaw.
Makapamayad man sigon ro pag-ehersisyo sa agahon, ag paglikaw sa kape, tsaa ag ibang pagkaon ag ilimnon nga may caffeine.
