KALIBO, Aklan—Presenteng nakatambak makaron sa compound it Land Transportation Office (LTO)-Malay ro kapin sa 200 e-trike unit nga ginbakae it Department of Energy.
Suno kay Malay mayor Frolibar Bautista, raya hay kaparte it programa it DOE kamana man nga mabuhay eon man nga nakatambak ro mga unit.
Tuyo sigon it ahensya nga i-offer raya sa mga miyembro it kooperatiba nga owa it kapasidad nga magbakae it e-trike.
Apang, suno kay Bautista nga owa man it nagka-interes nga transport group nga magbuoe kara bangud sa pagiging old model it saeakyan ag bukon it reliable nga paeangitan-an.
Maskin sigon ro LGU hay owa man naila magbaton sa mga nasambit nga e-trike unit.
Sa kamatuoran suno kana hay kanugon eamang ro kwarta nga gingastos sa pagpurchase kara.
Dapat sigon nga imbestigahan raya it gobyerno agud matumod kung siin maghalin ro kapalpakan.
