Kalibo Aklan——-Arestado sa ginpatigayon nga drug buy bust operation it Provincial Drug Enforcement Unit ag Buruanga Municipal Police Staton ro sangka online seller mga bandang 2:50 kaina it agahon sa Brgy. Balosbos, Buruanga.
Ginkilaea ni Police Lieutenant Colonel Frensy Andrade it PDEU-Aklan ro suspek nga si Elvin Matt Sualog, 26 anyos ag residente it nasambitan nga lugar.
Narekober sa posisyon it suspek ro sangka sachet it marijuana leaves kabayo it 500 pesos nga buy bust money.
Samtang sa ginpatigayon nga body search it mga otoridad sa suspek hay narekober man sa posisyon kara sangka 38 calibre nga baril , tatlong ka mga tanom it marijuana, mga bosoe it marijuana ag iba pang paraphernalia.
Pag-eksplekar it suspek, anang pagahimuon nga bonsai ro mga tanom nga marijuana.
Nasayuran nga dati eun nga nagsurender si Sualog bangud man pag-imbolbar sa illegal nga droga.
