Kalibo Aklan ———-Nagatuhaw sa pagtuon it mga health experts sa Singapore nga ro paggamit it mga throat spray ukon paggamit it mga anti-malaria drug nga hydroxychloroquine hay nagapanaba it peligro it COVID-19 infection.
Ro nasambit nga pagtuon hay ginpaguwa matapos nga masobra sa 3,000 nga healthy young migrant workers ro na-quarantine sa Tuas South Dormitory ko nagtaliwan nga Mayo.
Dugang pa sa pagtuon nga ro paggamit it povidone-iodine throat spray tatlong beses sa sang adlaw ukon ro paggamit it oral drug hydroxychloroquine it sang beses kada adlaw hay mabawasan nga makapyutan it nasambit nga virus.
Ginpatigayon ro pagtuon it National University Health System (NUHS) nga ginpangunahan ni Associate Professor Raymond Seet ro senior consultant sa division it neurology sa department of medicine it National University Hospital.
Nagpaandam man ro mga health experts nga eauman ro mga side effects sa paggamit it mga bueong kapareho it sakit it ueo, diarrhea , pagbuyog it ueo, sakit sa tiyan ag pagpaeanuka.
