KALIBO, Aklan — Daywa ka mga wanted person ro natigayon nga naaresto it mga otoridad sa Brgy. Baybay, Makato.
Base sa report, ro mag-ingkampod nga ginkilaea kanday Altier Tando, 20, ag Jann Lyan Tando, 19, parehong residente it nasambit nga lugar hay gin-aresto pinaagi sa warrant of arrest nga ginpaguwa ni Hon. Joan Marie B. Vargas-Betita, presiding judge it MCTC Malinao-Lezo-Numancia sa kasong serious physical injury nga may petsang Hulyo 13, 2021.
Ro daywa hay may tig-30 mil pesos nga pyansa para sa andang temporaryong kahilwayan matapos nga ginkustudiya sanda it Makato PNP para sa nagakaigong disposisyon.
Base sa report it Makato PNP, matapos nga maispatan ro daywa sa andang lugar hay insigidang nagreport kanda ro barangay intelligence.
Madumduman nga ro daywa hay naeakot sa insidente it pagpanakit sa Brgy. Navitas, Malinao ko Oktobre 23, 2020 kun sa siin may 4 nga kaeaeakin-an sanda nga nakaaway ag habunae ni Altier it bato sa siki ro sambilog rason nga nakapaeagiw sanda.
Ro kaso hay ginpasaka kontra sa daywa pinaagi sa regular filing.
