Mag-eowas sa mga player, agaw atensyon man sa Tokyo Olympics ro basketball robot matapos nga magpakitang gilas sa kamayad sa pag-shoot.
Ro robot nga may pangaean nga CUE hay obra it kompaniyang Toyota.
Napa-wow ro basketball fans ko week-end nga nagtan-aw sa hampang it Team USA ag France matapos nga gulping nagpatunga ro seven-foot-tall nga robot, nagbo-oe it bola ag gin-alsa ro mga alima agud nga makahimo it perfect nga three-point shot halin sa half court.
Gin-desinyo ro makina agud nga mag-obra ro kapareho nga trick nga pauman-uman nga may 100 percent accuracy.
Sa kamatuoran hay nakabo-oe eon raya it Guinness World Record bangud sa ikasarang kara nga maghimo it three-point shot nga indi maangkon it tawo.
Ro human-size nga robot nga maikumpara sa mga nakikita sa pelikula hay sangka AI basketball robot nga himo it Toyota agud nga magtau it dugang nga kalingaw-lingawan.
Ko Domingo ro version it 165-pound robot nga nakasuksok it No. 95 jersey hay nagpakitang gilas sa halftime. Naghana imaw nga mag-shoot it tatlong beses ag puro nagsueod . Apang medyu mahinay eamang ro anang release nga naga-average sa 15 seconds agud nga makahaboy it bola.
May naghambae nga mayad pa ro robot kaysa sa 3x All-Star Ben Simmons.
Ro robot hay may sensors sa anang torso agud nga magsukat it distansiya ag nagagamit it AI kon paalin nga ma-shoot it maayos ro bola sa basket. Sa oras nga una eon sa tamang posisyon, gina-adjust it robot ro anang motors sa anang alima agud nga ihaboy ro bola sa ere nga may tamang anggulo agud nga makahimo it score eabi eon ro three point shot.
Ro nasambit nga robot hay kaparte it experiemento agud nga matantiya kon pwedeng maging kabulig sanda sa paeaabuton sa adlaw adlaw nga pagpangabuhi.
