KALIBO, Aklan—Kapin sa 12,280 ukon 97 porsyento eon ro mga nakarekober halin sa masakit nga covid-19 sa bilog nga probinsya it Aklan.
Ro nasambit nga numero hay halin sa kabilugang 12,629 nga nailista it Aklan Provincial Epidemiology Surveillance Unit it Provincial Health Office halin kat nag-eopok ro pandemya ko Disyembre 2019.
Sa makaron hay siyam nga ka banwa eon sa bilog nga probinsya ro uwa it aktibong kaso matapos nga nakarekober eon tanan ro mga tinamaan it deadly virus.
Nagapabilin nga 29 ro aktibong kaso it covid-19 nga ginakaeakipan it 19 nga presenteng una sa facility quarantine; siyam nga naka-home quarantine ag sambilog pa ro admitter.
Samtang, uwa eon nadugangan ro 320 nga mga binawian it hueam nga kinabuhi bangud sa nasambit nga sakit.
