KALIBO, Aklan—Nagapati si Sangguniang Panlalawigan member Nemesio Neron nga dapat makaangkon it pagnaba sa panueoktan it pamasahe sa mga pampublikong transportasyon matapos nga ipakasa sa 70 porsyento ro seating capacity.
Suno kay Neron, dapat nga magtao it konsiderasyon ro parehong mga driver ag commuter sa presenteng sitwasyon.
Gin-insister pa kara nga temporaryo eamang ro makarondayang sitwasyon bangud una sa gihapon ro paeag it COVID-19 pandemic.
Dapat sigon nga magpangibabaw ro pag-ilintidhan sa rayang tyempo ag isipon ro kamaeayran it kada isaea.
Nasayuran nga ginpahabaan eon ro operasyon it mga pampublikong saeakyan umpisa alas-5:00 it aga-aga hasta alas-10:00 it gabi-i.
Samtang, maskin nga ginhaeugaan eon ro restrictions hay hugut pa gihapon nga igapatuman ro health and safety protocols.
