KALIBO, Aklan—Ginpaandaman it Aklan Police Provincial Office (APPO) ro publiko angot sa mga krimen nga posibleng magtuhaw makaron nga tyempo it kapaskwahan.
Kadungan kara ro panawagan nga maging madahan ag alerto eabi eon kun naga-adto sa mga matawong lugar.
Partikular nga pagatutukan it mga otoridad ro mga ginatawag nga places of convergence kapareho it tindahan, malls, paeuparan, pantalan, mga terminal ag ro mga simbahan eabi eon kung mag-umpisa ro tradisyunal nga Simbang Gabi.
Suno kay Police Colonel Ramir Perlito Perlas, Provincial Director it APPO nga base sa datus kaeabanan nga mataas ro kaso it kriminalidad kada holiday season.
Sa kamatuoran suno kana hay nagplastar eon sanda it pila ka mga security plan sa pag-umpisa pa eamang it “ber” months partikular ko buean it Setyembre.
Ginapahayag nga indi magiging sab-eag sa mga kapulisan ro pandemya para gampanan ro andang obligasyon nga protektahan ro publiko eabi eon makaron nga tyempo it Paskwa.
Nag-epela man raya sa publiko nga padayun gihapon nga magsunod sa health and safety protocols bangud nagapabilin pa ro paeag it virus.
Paga-doblehan sigon nanda ro pagtao it seguridad para masiguro ro kaeuwasan it tanan.//Ginpasiguro man kara ro police visibility sa mga komunidad.
