KALIBO, Aklan—Nakaangkon eon it baeasahan it mga opisyal it Commission on Elections ukon Comelec nga naka-assign sa bilog nga Western Visayas.
Raya ro ginkumpirma ni Crispin Raymund Gerardo, tagapaghambae it Comelec-Aklan.
Suno kana ro magiging election officer sa aklan hay si Atty. Rainier Layson, apang maskin nga nakap-assume ko nagtaliwan nga sabado nga adlaw, enero 15 hay indi pa raya maka-agto sa probinsiya bangud nga presente imaw nga nakapaidaeum sa quarantine.
Si Atty. Layson hay dating City Election Officer it Iloilo ag dating na-assign sa mga mabahoe nga siyudad kapareho it Cebu.
Samtang, gindugang pa ni Gerardo nga si dating Aklan election supervisor Roberto Salazar hay naka-assign makaron sa Negros Occidental sa ginbakanteng pwesto ni dating provincial election supervisor Ian Lee Ananoria nga nauna eon nga nakaserbisyo sa aklan it masobra sa 11 anyos.
Epektibo ko Lunes nga adlaw si Atty. Ananoria hay gin-reassigned sa Iloilo.
Ro reshuffling hay bilang pagsunod sigon sa direktiba ni Comelec chairperson Sheriff Abas nga ginpaguwa ko Enero 19.
Tuyo it temporaryo nga pag-transfer sa nasambit nga mga election officers nga mas pang mapabakod ro pag-angkon it maayos, epektibo, masaligan ag patas nga pagpatigayon it nagahilapit nga eleksyon sa Mayo 9.