KALIBO, Aklan—Masami nga naging rason kung ham-an nagahana nga magpakamatay ro sangka tawo hay bangud sa depression.
Suno sa sangka mental health professional nga si Dr. Romeo Lorenzo nga ro sangka tawo hay nakaeskperyensiya it depression bangud sa nabatyagan nga grabe nga pagkasubo ag nadueaan eun it pageaum sa kabuhi.
Masami man raya nga gina-atake it insomnia ukon indi makatueog.
Ro depression hay may tatlong lebel ag raya hay mild, moderate ag severe.
Kung maging grabe eun ro pagka-depressed it sangka tawo dikara ag makaisip eun raya nga utdon ro anang hueam nga kabuhi.
Ginakabig man ro depresyon bilang isaeang ka mood disorder nga nagaresulta it pauman-uman nga pagkabatyag it kasubo ag pagkaduea it interes.
Ro pinaka-importante nga bagay agud nga malikawan ro pagpakamatay hay ro timpranong magdiskubre it depresyon, ro paggamit it tamang bueong ag ro tamang pag-usoy it solusyon sa mga problema.
