KALIBO, Aklan—Nagpatigayon it Unity Walk ag Peace Covenant Signing para sa maayos ag patas nga eleksyon 2022 ro Aklan Police Provincial Office ukon APPO sa pakikipagbueuligan it Commission on Elections ukon COMELEC, biyernes it agahon, Pebrero 4, 2022 sa St. John The Baptist Cathedral.
Ginpahayag ni APPO Provincial Director P/Col. Crisaleo Tolentino nga tuyo it aktibidad nga ipakita ro importansiya it matawhay nga eleksyon.
Gindugang pa ni tolentino nga ro Unity Walk and Peace Covenant Signing hay kaparte it adbokasiya nga ma-promote ro kaayusan ag magiyahan it maka-ako ro eowas nga eleksyon sa Mayo.
Samtang, ginpasiguro man nana ro pagpabilin it kapulisan nga apolitical ukon owa it ginapaburan nga kandidato.
Samtang, nagpangayo man it kooperasyon eabi eon sa mga aspirante sa maabot nga eleksyon ro Comelec-Aklan pinaagi sa andang spokesman nga si Crispin Raymund Gerardo.
Napas-eawan sigon si Comelec Supervisor Atty. Rainier Layson nga makatambong matapos nga ginpaeawig pa ro anang quarantine.
Ro unity walk nga gintambungan it mga prominenteng election stakeholders nga ginaeakipan it mga lideres, personnel ag miyembro it natungdan nga ahensiya it gobyerno ag iba pa hay nag-umpisa sa Magsaysay Park ag nagtililipon sa St. John the Baptist Cathedral.
Ro election period para sa May 2022 elections hay nag-umpisa ko Enero 9 ag magatapos sa Hunyo 8.
