KALIBO, Aklan—Naging maayos ag madinaeag-on ro ginpatigayon nga unity walk ag covenant signing ko Pebrero 4 sa St. John The Baptist Cathedral.
Suno kay Crispin Raymund Gerardo, tagapaghambae it Commission on Elections ukon Comelec-Aklan nga tuyo it nasambit nga aktibidad nga maangkon ro malimpyo, masaligan , tama , makahueugan ag malinong nga eleksyon.
Nagpasakop sa covenant signing ro tanan nga mga aspirante sa provincial level kamana man sa munisipalidad it Kalibo.
Ro unity walk hay nag-umpisa sa Magsaysay Park ag nagtapos sa Kalibo Cathedral.
Nagapadayun man sigon ro pagpatigayon it kaparehong aktibidad sa iba pang mga banwa.
Sa pihak nga parte, gindugang pa ni Gerardo nga naging maayos ro pagplastar it comprehensive security plan it aklan police provincial office sa nasambit nga aktibidad.
Kaibahan sa ginbantayan it kapulisan hay ro implementasyon it health and safety protocol bangud sa padayun nga paeag it COVID-19 pandemic.
