INTERNATIONAL News —- Ginpaabot it coronavirus recovery council it Malaysia ko Martes nga ginarekomenda kara ro uman nga ang pagbukas it andang mga border sa Marso 1 nga owa it ginapatuman nga sapilitang quarantine para sa mga biyahero bilang kaparte it mga plano agud nga mapadasig ro pagbawi it ekonomiya.
Ginsarado it nasambit nga nasyon halin sa South-East Asia ro mga border kara umpisa ko Marso 2020 ag ginpapundo ro pagsueod it mga dumueuong nga trabahador agud nga mapugngan ro pagkalhit it coronavirus.
Ro rekomendasyon hay kadungan it pagbo-oe it mga kaiping nga nasyon nga Thailand, Pilipinas, ag Singapore sa quarantine para sa mga bakunadong turista nga magasueod sa andang mga nasyon.
Gindugang pa it Thailand nga ginakonsidera nanda ro pagpatuman it travel bubble sa Malaysia ag China.
