KALIBO, Aklan—Ginatantya nga kapin sa P17,000 hasta it P20,000 ro danyos it nasunog nga panimaeay sa Brgy. Dalipdip, Altavas.
Base sa report, raya hay ginapanag-iyahan ni Reynaldo Gallo, sa legal nga edad ag residente it nasambit nga lugar.
Human sa mix materials ro residential house nga nahamtang sa nabukid nga porsyon it lugar rason nga naugdaw eon raya it kaeayo antes pa man nakaabot ro mga nagresponde nga bombero it Bureau of Fire Protection ukon BFP Altavas.
Una kara, may nagspark sigon nga linya it kuryente maghalin sa poste paadto sa nasambit nga panimaeay kon siin mabahoe ro pagpati it pamilya nga dikato naghalin ro kaeayo nga nag-eamon sa andang panimaeay.
Bangud kara, uwa gid it nasalbar nga kagamitan ro pamilya Gallo kasunod it nasambit nga insidente.
