BUSINESS News — Gina engganyo it dating Sugar Regulatory Administration ukon SRA board member, kamama man nga sangka sugar planters, ro gobyerno nga bawi-on ro mandu nga nagapasugot sa importasyon it 200,000 metric tons it asukar bangud nga ro presyo it raw sugar hay nagnaba eon .
Suno kay dating SRA board representative for planters Dino Yulo nga ro presyo it local raw sugar hay nagnaba eon it kapin sa 10 percent .
Nauna kara, nagpaguwa ro SRA it Sugar Order 3, nga nagatau it pahanugot sa pag-import it 100,000 metric tons it standard grade refined sugar ag 100,000 metric tons it bottlers’ grade refined sugar agud nga masabat ro ginapanan-aw nga kakueangan sa stock sa pagtapos it milling season.
Ginpahayag it industriya nga ro presyo it asukar hay nagnaba it kapin sa P99 hasta P230 pesos kada 50-kilo bag it raw sugar sa sugar bidding ko Feb. 6, daywang adlaw matapos nga ginpaguwa it SRA ro order.
